​பயர்பாக்ஸ் V55 பதிப்பால் 1691 டேப்களை 15 வினாடிகளில் ரீலோட் செய்யமுடியும்.

நான் பயர்பாக்ஸ் உலவியையே எனது கணினி மற்றும் மொபைலில் பயன்படுத்தி வருகிறேன், அனைவரையும் பயர்பாக்ஸை பயன்படுத்தவே நானும் அறிவுறுத்தி வருகிறேன். கூகள் குரோமிற்கு சிறந்த மாற்று மொஸில்லா பயர்பாக்ஸ் (Mozilla Firefox) தான்.

கூகுள் நிறுவனமும், மைக்ரோசாப்ட் நிறுவனமும் தங்களின் இணைய உலவிகள் அதிக  மக்கள் பயன்படுத்த ஆரம்பித்த பின் மக்களின் இணைய தள பயன்பாடுகளை ஒரு கட்டுக்குள் கொண்டுவரவும், தணிக்கைக்கு உட்படுத்தவும், ஒரு தொழில் நுட்பத்தை ஒரு உலவியில் பயன்படுத்துவது தொடர்பாக திடீர் விதிமுறைகள் விதித்து போட்டி நிறுவனங்களின் தொழில்நுட்பங்களை கட்டுப்படுத்துவது என தங்கள் உலவிகளை வைத்து அராஜகம் செய்து வருகின்றதாகவே கட்டற்ற மென்பொருள் பயன்படுத்தும் சமூகத்தில் இருந்து குற்றச்சாட்டுகள் வருகிறது.

 கட்டற்ற & இலவச இணைய உலவியான மோசில்லா பயர்பாக்ஸ் இன்று தனது 55ம் பதிப்பை வெளியிடுகிறது. ​

கணினி (டெஸ்க்டாப்) உலவியிலேயே VR  (கானல் காட்சி) வகை வீடியோக்களை பார்க்கும் வசதியை இன்று வெளியிடுகிறது. இதன் மூலம் உங்களிடம் VR கண்ணாடி இருந்தால் உங்கள் கணினியில் உள்ள புதிய  பயர்பாக்ஸ் உலவியில் VR அனுபவத்தை பெறலாம்.

ஒரே உலவியில் பல பக்கங்களை நாம் டேப்களில் ( தாவல்) நாம் பாப்போம். இவ்வாறு அதிக பக்கங்கள் இருக்கும்போது உலவியின் செயல்திறன் மெதுவாக இருக்கும். இந்த குறையை போக்க இந்த புதிய பதிப்பில் ஒரே நேரத்தில் 1,691 டேப்களில் பக்கங்களை ரீலோட் செய்ய வெறும் 15 வினாடிகளே ஆனது, ஆனால் இதற்கு முந்தைய பதிப்பில் 8 நிமிடங்கள் வரை ஆனது.

64 பிட் பதிப்பு பயர்பாக்ஸ் அதிகமாக முறை  கிராஷ் (Crash) ஆவதை தடுக்க பல மேம்பாடுகள் செய்யப்பட்டுள்ளன. அதோடு கூகள்,  விக்கிபீடியா, யூ  டியூப் போன்ற தளங்களில் தேடுவதை உலவியில் இருந்தே தேடி எடுக்கும் வகையில் வசதியையும் ஏற்படுத்தியுள்ளனர்.

தமிழ் – 64 பிட் மொஸில்லா பயர்பாக்ஸ் தரவிறக்கம்

தமிழ் – 32 பிட் மொஸில்லா பயர்பாக்ஸ் தரவிறக்கம்

ஆங்கிலம் – 64 பிட் மொஸில்லா பயர்பாக்ஸ் தரவிறக்கம்

ஆங்கிலம்- 32 பிட் மொஸில்லா பயர்பாக்ஸ் தரவிறக்கம்

குறிப்பு: உங்கள் கணினி 64 பிட் என்றால் 64 பிட் பதிப்பையே  தரவிறக்கம்  செய்யவும்